Psa 112 | TwiNAK | STEP | Kamfo Awurade ! Nhyira nka nea odi Awurade ni, na ɔde anigye di ne mmara so.

Psalms 112

Onipa pa ahotɔ

1 Kamfo Awurade!
Nhyira nka nea odi Awurade ni, na ɔde anigye di ne mmara so.
2 Onipa pa mma benya tumi wɔ asase no so; wobehyira nʼasefo.
3 Nʼabusuafo bɛyɛ adefo na wobedi yiye daa nyinaa.
4 Hann pue esum mu ma nnipa pa, wɔn a wɔyɛ ahummɔbɔ, atimmɔbɔ na wɔyɛ nokwafo no.
5 Nhyira nka obi a ne tirim yɛ mmerɛw wɔ bosea a ɔbɔ ho na ɔyɛ nʼadwuma nokware mu.
6 Onipa pa ho nka mu da; wɔbɛkae no daa.
Ne gyidi mu yɛ den na ɔde ne ho to Awurade so.
7 Ɔte asɛmmɔne a, ɛmmɔ no hu; ne gyidi mu yɛ den na ɔde ne ho to Awurade so.
8 Biribiara nhaw no na onsuro.
Onim pefee sɛ obedi nʼatamfo so nkonim.
9 Ne nsam yɛ mmerɛw wɔ ahiafo so na nʼayamye to ntwa da.
Obenya tumi na wɔadi no ni.
10 Amumɔyɛfo hu eyi na wɔn bo fuw; wɔhwɛ no ɔtan so na wɔyera.
Wɔn anidaso yera kora kora.